INSTRUCIÓNS DE USO

Este blog estrutúrase en 5 páxinas ás que se pode acceder de dous modos, ou ben a través do menú horizontal situado debaixo do título do blog, ou ben a través do índice que aparece en vertical na marxe dereita (neste caso cada unha das páxinas identifícase cun número, sendo 0 a páxina de Inicio, 1 O Porqué, etc.).

O INICIO – Na nosa portada ofrecémosche unha produción plástica realizada por usuarios moi creativos e as Seccións do Portal das Palabras (de aquí en diante o Portal). Aí verás a icona da sección, o título coa ligazón que te leva directamente a esa sección no Portal e unha pequena descrición do seu contido.

O PORQUÉ – Onde se xustifica a existencia deste material e a súa necesidade de medrar coa creación e aproveitamento por parte da colectividade educativa.

AS INSTRUCIÓNS DE USO – O apartado que estás a ler para entender dun xeito rápido e cómodo a forma de lle tirar o maior partido a este recurso.

ACTIVIDADES PARA 1 SESIÓN – Onde poderás atopar diferentes recursos que podemos utilizar nunha única sesión de clase utilizando o Portal das Palabras. Ofrécense clasificados en tramos educativos, para Educación Infantil e Primaria  dunha banda, e para ESO e Bacharelato pola outra.

ACTIVIDADES PARA + TEMPO – Aquí ofrecémosche actividades utilizando o Portal das Palabras que requirirían dun período de dedicación superior a unha sesión de clase. Neste caso non se inclúen actividades para ESO e Bacharelato porque todos os recursos que ofrece o Portal ofrecen a vantaxe de poder ser traballados en 50 minutos.

OUTRAS PROPOSTAS – Neste apartado, o máis extenso, ofrecemos exemplos de diferentes actividades que se poden levar a cabo partindo da utilización do Portal xa realizadas nalgún centro educativo, en caso contrario sinalarase. Nesta ocasión dividimos os materiais en 3 seccións: para todas as etapas (neste caso partindo da mesma idea podemos traballar nas diferentes idades), para Educación Infantil e Primaria e para ESO e Bacharelato.

Ademais disto na columna da dereita poderás atopar tamén as iconas do Portal e de educaBarrié, preme nelas e levarante a cadansúa páxina.